لما تتشاهد شعار كلية الطب و كلية الصيدلة حتلاقي كلية الطب شعارها عصايه ملفوف حوليها ثعبان .. اما الصيدلة كأس ملفوف حواليه نفس الثعبان .. طيب إيه الفرق؟ .. انا اقولك ..
نبدأ بشعار كلية الطب .. العصاية و الثعبان .. اسمها عصا أسكليبيوس (Rod of Asclepius) ..
أسكليبيوس في الميثولوجي الاغريقية هو إله الطب و ابن الاله ابولو .. بيقدر يعالج الامراض باستخدام عصايته الي عليها الثعبان .. بالنسبه بقى للثعبان ففي خلاف على اصل وضعه ..في ناس بتقول ان الثعبان الي ملفوف حوليها هو نوع من الثعابين الغير سامه الي بيستخدمو سمه في العلاج و اتسمى على اسم الاله Aesculapian snake .. كان الثعبان ده بيستخدموه في العلاج في المعابد عن طريق وضعه على جسد المريض و استفزازه علشان يلدغ المريض .. ده غير ان الثعابين عموما بنستخدم بعض سمومها في الادويه منذ قديم الازل .. و ناس تانيه تقول ان الثعبان رمز الشفاء لأنه بيغير جلده و تغير الجلد مظهر صحي .. و الي يرجح انه بيدل على الطبيعه المزدوجه لعمل الطبيب حيث انه بيتعامل مع الحياه و الموت في نفس الوقت ..
اما بالنسبه لشعار كلية الصيدلة .. الكأس و الثعبان .. اسمه وعاء هيجيا (Bowl of Hygieia)..
هيجيا تبقى بنت أسكليبيوس .. و هي إلهة النظافه .. هيجيا كانت بتساعد والدها .. هو كان دوره شفاء الامراض و هي كان دورها الرئيسي الوقايه منها و منعها من الانتشار .. عرفتو بقى كلمه Hygiene جايه منين ؟ في التماثيل كانو بيصوروها و هي ماسكه كأس او وعاء و في ثعبان بيفرز سم فيه لاستخدامه كدواء .. و من هنا جاء الرمز ..
الجدير بالذكر ان الطب و الصيدله زمان كانو شيء واحد و بشعار واحد .. بس لما انفصلو اصبح كل منهم مهنة و علم قائم بذاته كل واحد اختار شعار
التعليمات الإدارية
نور المنتدى بالعضو الجديد
« آخـــر الــمــواضــيــع »
31-05-2019, 05:43 PM
الفرق ما بين شعار الطب و شعار الصيدلة
العرض العادي
