|
صورة توضيحية لكيفية تركيب الأقمار علي الطبق الثابت
صورة توضيحية لكيفية تركيب الأقمار علي الطبق الثابت ************************* أولا علشان تركب أي قمر أو تظبط الطبق لازم تحب الموضوع ويكون عندك صبر ثانيا لازم تعمل تطوير لنفسك كل يوم وتشوف اخبار جديده وإختراعات تفيدك في المستقبل وتبحث دائما عن الجديد ثالثا لازم تفكر في حلول لو واجهتك مشكله وتحاول تحلها وتصبر علي حل المشكله بدون عصبيه ونرفذه رابعا وإنت رايح تظبط الطبق علي السطح لازم تكون جاهز بمعداتك ومفاتيحك وتردداتك وتليفزيون و الريسيفر بتاعك أو جهاز يكون بيظبط اشارة الطبق بدون تليفزيون وكهرباء خامسا هتطلع علي السطح وتظبط الطبق وتأخذ معاك التلفيزيون والريسيفر بكل مشتملاتهم من وصلات وكل حاجه وهتاخد معاك سلك الدش وتركبه في الريسيفر والطبق أو يكون عندك وصلة من سلك الدش طولها مثلا أربعه 4 متر وتركبها في الطبق والريسيفر وتوصل الكهرباء للتيفزيون والريسيفر أو يكون معاك جهاز بيظبط اشارة الدش بدون كهرباء وتليفزيون وريسيفر يعني توفير للوقت وأسعار أجهزة ضبط الإشاره في مصر فوق 1000 جنيه من العتبه وباب اللوق في مصر سادسا لازم تكون عارف معلومات عن القمر اللي هتركبه وعن الترددات اللي هتظبط عليها القمر قبل ما تطلع علي السطح يعني لازم تكون عارف اتجاه القمر فين وشكله عامل ازاي والعدسه اتجاهها ازاي والمسافه بينه وبين النايل سات والترددات وقنوات القمر المهمه والقمر بيركب علي طبق حجمه كام ... يعني لازم تجمع اكبر قدر من المعلومات قبل تركيب القمر علشان تبقي طالع علي نور وفاهم هتعمل ايه سابعا لازم تفهم إن كل قمر ليه اتجاه معين زي الكلام اللي موجود في الصوره بالظبط ولازم تعرف ان كل قمر بيشتغل علي عدسه او كامه واحده بس .. الكلام ده لو انت هتركب كذا قمر علي نفس الطبق لكن لو عندك عدسه او كامه واحده علي الطبق وعاوز تجيب قمر تاني لازم هتحرك الطبق من مكانه يعني من الآخر مستحيل يكون الطبق بتاعك ثابت وإنت عاوز تجيب قمر تاني من غير ما تحرك الطبق. ثامنا عاوزك تتفرج شويه علي الصوره وشوف هتستفاد منها ايه وفهمت ايه تخيل انك واقف خلف الطبق دلوقتي وأمامك رسم للأقمار زي اللي في الصوره دي هتعمل ايه وهتتحرك ازاي المفروض ان الموضوع يكون سهل عليك كده مش صعب لأن الرسمه موضحه نفسه. يعني لو شاهدت وإتفرجت علي طبق النايل سات هتلاقيه قصاده ومعاه كلمة نايل سات في الرسم يعني اعتبر نفسك واقف خلف طبق النايل سات دلوقتي وإنت عاوز تشغل وتجيب قمر هوت بيرد الأوروبي هتحرك شمال يسار ولا يمين المفروض بدون تردد أو تفكير هتحرك الطبق علي يسارك وشمالك فورا يبقي احنا عاوزين نركز شويه في الصوره ونمشي علي الرسم أي قمر موجود علي شمال ويسار طبق النايل سات يبقي هنحرك الطبق علي طول ناحية إيدك الشمال وإنت واقف خلف الطبق يعني لو عاوزين قمر يوتل سات 7 شرق مثلا هتظبط الأول قمر النايل سات وتمشي زي الرسم ما بيقول بالظبط يعني دلوقتي قمر يوتل سات موجود علي شمال النايل سات ... يبقي تقف خلف طبق النايل سات وتحرك الطبق ناحية ايدك اليسار او الشمال افترضنا عاوزين نركب قمر ياه سات بتاع الماتشات الأوروبيه زي اللي في الصوره كده يبقي تتفرج علي الصوره كويس وتعمل زيها ومثلها مباشرة النايل سات اتجاهه ناحية الغرب وقمر ياه سات اتجاهه ناحية القبله مباشرة مثل الصلاه كما موضح في الصوره. [عزيزى الزائر لايمكنك مشاهده الروابط الا بعد التسجيلللتسجيل اضغط هنا] |
رد: صورة توضيحية لكيفية تركيب الأقمار علي الطبق الثابت
شكراً لك
|
رد: صورة توضيحية لكيفية تركيب الأقمار علي الطبق الثابت
:ta_clap:
اقتباس:
|
رد: صورة توضيحية لكيفية تركيب الأقمار علي الطبق الثابت
شكرا اخي العزيز
|
رد: صورة توضيحية لكيفية تركيب الأقمار علي الطبق الثابت
مشكور اخي الكريم
|
رد: صورة توضيحية لكيفية تركيب الأقمار علي الطبق الثابت
:dr-7_com346:
مشكور اخي الكريم |
| الساعة الآن 02:57 AM |
Powered by vBulletin® Copyright ©2000 - 2024, Jelsoft Enterprises Ltd
جميع الحقوق محفوظة لمنتديات فنان سات
www.fanansatiraq.com